Áður en nemar sækja um æfingaleyfi þurfa þeir að taka:

10-14 verklega tíma og Ökuskóla 1 (Ö1) bóklega hlutann sjá http://bilprofid.is/okuskolar/

Æfinga­akst­ur er hugsaður sem viðbót við öku­námið sjálft

Mik­il­vægt er að nota æf­ing­arakst­urs­tíma­bilið vel með því að aka reglu­lega með leiðbein­anda.

Kröf­ur til leiðbein­enda.

• Sá sem tek­ur að sér að leiðbeina í akstri þarf að hafa náð 24 ára aldri.
• Hafa a.m.k. fimm ára reynslu í akstri.
• Hafa verið án refsingar í umferðinni síðustu 12 mánuði.

Ökukennarinn staðfestir rafrænt til Sýslumanns þegar nemi er klár í æfingaleyfi.

Öku­kenn­ari þarf að votta að nem­andinn hafi öðlast nægi­lega þekk­ingu á um­ferðarregl­um og þjálf­un í stjórn­un öku­tæk­is til að æfa akst­ur með leiðbein­anda.

Þegar nem­andi ekur með leiðbein­anda þarf bif­reiðin að vera sér­stak­lega merkt með skilti sem á stend­ur “Æfinga­akst­ur”. Bif­reiðin þarf að vera í full­komnu lagi, hún skoðuð og ábyrgðartrygg­ing þarf að vera í lagi. 

Ábyrgðin er leiðbein­and­ans
Leiðbein­andi telst lög­um sam­kvæmt vera stjórn­andi bif­reiðar­inn­ar með sama hætti og öku­kenn­ari. Til marks um það má geta þess að leiðbein­andi sem sinn­ir leiðsögn und­ir áhrif­um áfeng­is sæt­ir sömu viður­lög­um og ef hann sæti sjálf­ur und­ir stýri á bif­reiðinni.

Helstu atriði í æf­inga­akstri
Nauðsyn­legt er að fara yfir öll stjórn­tæki bif­reiðar­inn­ar, stilla spegla og önn­ur ör­ygg­is­tæki, sæti og stýri áður en lagt er af stað. Minnt skal á að öku­nem­inn stjórn­ar nú bíl sem hann þekk­ir ekki og er frá­brugðinn þeim bíl sem öku­kenn­ar­inn legg­ur til. Mörg­um leiðbein­end­um finnst þægi­legt að hafa viðbót­ar­speg­il ( baksýnisspegil) svo þeir geti bet­ur fylgst með um­ferðinni í kring. Eins get­ur verið gott að láta öku­nem­ann prófa að aka sjálf­skipt­um bíl í ein­hver skipti.

Eft­ir­far­andi atriði er æski­legt að farið sé yfir og æfð með öku­nem­an­um:

• Skipting og hemlun.
• Bifreið tekin af stað í brekku.
• Lagning í bifreiðastæði.
• Vinstri beygja af tvístefnugötu.
• Vinstri beygja af einstefnugötu.
• Akstur í hringtorgum.
• Akreinaskipti, gefa stefnuljós, horfa í spegla, horfa í blindablettinn (horfa um öxl)
• Akstur á að- og fráreinum.
• Framúrakstur.
• Akstur í myrkri.
• Akstur í hálku.
• Akstur á malarvegi.
• Staðsetning á akbraut og breidd ökutækis.
• Hægri reglan.
• Stöðvunarskylda. Stoppa öll hjól bíls í 3.sek
• Umferðarljós. Kubba að lesa beygjuörvar.
• Umferðarmerkin.
• Hjólandi og gangandi vegfarendur.
• Forgangur strætisvagna.
• Viðhorf og forvarnir.

Afar mik­il­vægt er að leiðbein­andi sé góð fyr­ir­mynd enda læra nýir öku­menn það sem fyr­ir þeim er haft. Brýna þarf fyr­ir öku­nem­an­um að nota alltaf bíl­beltið. Aka á lög­leg­um hraða og sýna öðrum veg­far­end­um til­lits­semi og virðingu í um­ferðinni. Ræða þarf ölv­un við akst­ur og hætt­una sem skap­ast af slíku at­hæfi.

Gefa þarf ein­fald­ar og skýr­ar fyr­ir­skip­an­ir á ró­leg­an og yf­ir­vegaðan hátt. Æsing­ur og skamm­ir bera ekki ár­ang­ur en gera öku­nem­ann þess í stað óör­ugg­an sem get­ur haft áhrif á akst­urs­hæfni hans.

Eft­ir að hverj­um æf­inga­akst­urs­tíma lýk­ur er nauðsyn­legt að ræða mál­in, þ.e. hvort eitt­hvað hafi farið úr­skeiðis og hvað má bet­ur fara. Ekki er æski­legt að farþegar séu í bíln­um við æf­inga­akst­ur. Æfinga­akst­ur með ung­menni krefst færni, þekk­ing­ar, þol­in­mæði og æðru­leys­is. Við skul­um vera minn­ug þess að akst­ur er dauðans al­vara og því afar mik­il­vægt að vel tak­ist til

“Fengið af vef Vís.is”